АҚПАРАТТЫҚ ХАТ
Назарбаев университетінің Қазақ тілі және түркітану Департаменті және Қазақ тілі оқытушыларының халықаралық бірлестігінің ұйымдастыруымен Ахмет Байтұрсынұлының туғанына 150 жылдық мерейтойына арналған 2022 жылдың 15 сәуірінде «ЖАС ҒАЛЫМ-ІV» атты республикалық студенттердің дәстүрлі ғылыми конференциясы өтеді.
Мақсаты:
1. Студенттердің қазақ тілінде академиялық ғылыми ізденістер жүргізу дағдыларын қалыптастыру және дамыту;
2. Жастар арасында қазақ тілінің мәртебесін арттыру;
3. Қоғамның өзекті мәселелерін зерттеу арқылы жастардың бойында тұлғалық белсенділігін дамыту;
4. Еліміздің ЖОО студенттері арасында интеграциялық қарым-қатынасты дамыту.
Қатысушылар: Қазақстанның жоғары оқу орындарының студенттері, магистранттары мен докторанттары қатыса алады. Барлық мамандықтар бойынша қатысуға болады.
Басты бағыттары:
1. Қазақ тіл білімі ғылымы
2. Қазақ әдебиеттану ғылымы
3. Әлеуметтік-гуманитарлық ғылымдар
4. Жаратылыстану, техникалық және медициналық ғылымдар
Форматы:
Форматы: онлайн. ZOOM платформасы. Конференцияға қатысуға өтінім мен ғылыми баяндама мәтінін жіберу қажет. Қатысу өтініміне – қатысушының аты-жөні, университеті, факультеті, курсы, ғылыми жетекшісі, зерттеу тақырыбы, эл.поштасы, телефоны беріледі. Ғылыми баяндамада – зерттеу өзектілігі, әдіснамасы, жаңалығы, басты тұжырымдары, пайдаланған деректері қамтылуы қажет. Баяндама көлемі – 1200-1500 сөз.
Ғылыми баяндама презентация негізінде ауызша қорғалады. Презентация түрлі-түсті дизайнмен дайындалады және таблица, кесте, диаграмма, құжат, материал, фото суреттер, т.б. қолдануға болады. Бір презентацияны қорғау уақыты – 10 минут.
Қатысу тәртібі: 5 сәуірге дейін – конференцияға қатысу өтінімі мен ғылыми баяндама мәтінін мына электронды поштаға жіберу керек: zhabdigapar@nu.edu.kz
5-10 cәуір - ғылыми баяндаманы іріктеу комиссиясы қарастырады және іріктеу нәтижесі қатысушыларға жіберіледі.
Конференцияны өткізу тәртібі:
Мерзімі мен уақыты: 15 сәуір 2022 жыл, 10.00-18.00
Қатысушы презентациясын қазылар алқасы, қатысушылар және көрермендер алдында онлайн ауызша қорғайды. Әр презентацияның қорғалу уақыты конференция бағдарламасында көрсетіледі.
Конференцияның басты 4 бағыты бойынша қазылар алқасының шешімімен үздік баяндамалар іріктеледі және марапатталады.
Конференция материалдары электронды жинақ түрінде шығады. Үздік баяндамалар «Зиялы» ақпараттық порталында жарияланады.
Конференция қатысушыларына - сертификат, ғылыми жетекшілерге - алғыс хат, үздік баяндамашыларға – арнайы сыйлықтар беріледі.
Мекенжайы және байланыс телефондары: Нұр-Сұлтан қаласы, Қабанбай батыр даңғылы, 53, Назарбаев университеті, «Қазақ тілі және түркітану» Департаменті, 8 блок, 120 кабинет.
Жауаптылар: Құсайынова Мейрамгүл, Әбдіғаппарова Жанар, Жүнісхан Айдын.
Телефондары: 87026002479, 87018009926, 87786133394