«ЖАС ҒАЛЫМ - VІІІ» студенттік ғылыми конференция

2026 жылдың 17 сәуірінде Назарбаев университетінің Қазақ тілі және түркітану Департаменті және Қазақ тілі оқытушыларының халықаралық қоғамдық бірлестігі «ЖАС ҒАЛЫМ - VІІІ» атты студенттік ғылыми  конференция өткізеді. Алаш қайраткері Әлихан Бөкейхановың 150-жылдық мерейтойына арналған  конференция  «Ғылым-білім кеңістігіндегі жастар көшбасшылығы» тақырыбында өтеді. 

Мақсаты:

• Студенттердің қазақ тілінде академиялық ғылыми ізденістер жүргізу дағдыларын қалыптастыру және дамыту;
• Жастар арасында қазақ тілінің  ғылыми мәртебесін арттыру;
• Қоғамның өзекті мәселелерін зерттеу арқылы жастардың бойында тұлғалық белсенділігін дамыту;
• Еліміздің ЖОО студенттері арасында интеграциялық қарым-қатынасты дамыту.

Қатысушылар:

Қазақстанның ЖОО студенттері, магистранттары, докторанттары қатыса алады. Барлық мамандықтар бойынша қатысуға болады.

Басты  бағыттары:

1. Қазақ  тіл білімі ғылымы
2. Қазақ әдебиеттану ғылымы
3. Әлеуметтік-гуманитарлық ғылымдар
4. Жаратылыстану, техникалық және медициналық ғылымдар

Форматы:

Гибридті: офлайн-онлайн, ZOOM платформасы

Жұмыс тілі: қазақ

Қатысу тәртібі мен іріктеу:

30 наурызға дейін – конференцияға қатысу өтінімі мен аңдатпа мына электронды пошта арқылы қабылданады: zhasgalym@nu.edu.kz 

Конференция жайлы ақпаратты «Зиялы» порталының арнайы парақшасынан  көруге болады: https://ziyaly.kz

4 сәуірге дейін - іріктеу кезеңі. Ғылыми аңдатпаны іріктеу комиссиясы қарастырады және нәтижесі қатысушыға хабарланады.

Қатысу өтінімі және  аңдатпаға қойылатын талаптар:

Қатысу өтінімі ақпараты – студенттің аты-жөні, университеті, факультеті, курсы, ғылыми жетекшісі, баяндама тақырыбы, эл.поштасы, телефоны нөмері туралы мәліметтер беріледі.

Аңдатпаға қойылатын техникалық талаптар:   Көлемі – 250-300 сөз (электронды нұсқада);  Мәтін Microsoft Word форматы; шрифт Times New Roman, кегль – 12, аралық интервал – 1, барлық жағынан 2 см; мәтін соңында 4-5 кілт сөздер беріледі.

Қатысым өтінімі мен аңдатпа белгіленген мерзімнен кеш жіберген және талапқа сай келмейтін жағдайда қабылданбайды. Авторлар ұсынылған материалдардың мазмұны мен сауаттылығына жауап береді. Ұйымдастыру комитеті материалдарды сұрыптау мәселесін өзі шешуге құқылы.

Конференция бағдарламасы:

• Мерзімі мен уақыты:  17 сәуір 2026 жыл, 09.00-18.00
• Өтетін орны: Назарбаев университеті, блок С3, Қызыл Зал
• Конференцияның ашылуы рәсімі мен пленарлық мәжіліс;
• Конференцияның 4 бағыты бойынша панельдік сессиялар;
• Конференцияның жабылу рәсімі және  марапаттау.

Конференцияны өткізу тәртібі

• Конференция бағдарламасына сәйкес ғылыми баяндама презентация негізінде ауызша қорғалады.  Баяндама регламенті – 20 минут. 
• Қатысушы презентациясын дисскусант, қатысушылар және көрермендер алдында ауызша қорғайды. Әр  презентацияның  қорғалу уақыты конференция бағдарламасында көрсетіледі.
• Конференция бағыттары бойынша дискуссанттар шешімімен үздік баяндамалар іріктеліп, марапатталады.
• Конференция  аңдатпалары электронды жинақ түрінде шығады. Үздік баяндамалар «Зиялы» ақпараттық порталында жарияланады.   
• Конференция қатысушыларына - сертификат, ғылыми жетекшілерге - алғыс хат, үздік баяндамашыларға – арнайы сыйлықтар беріледі. 

Қаржыландыру

Конференция жұмысына қатысу – тегін. Қатысушы шығындары жөнелтуші тараптан өтеледі.  

Ұйымдастыру комитеті

Астана қаласы, Қабанбай батыр даңғылы, 53, Назарбаев университеті, Қазақ тілі және түркітану Департаменті, 8 блок, 120 кабинет. Байланыс телефондар: 87026002479, 87018009926, эл.пошта: zhasgalym@nu.edu.kz.